Згуртаваньне Беларускай Моладзі ў Амэрыцы віньшуе Беларусаў і Беларусак Амэрыкі з Днём Удзячнасьці (Падзякі), жадае посьпехаў ва ўсіх жыцьцёвых выпрабаваньнях, хутчэйшага дасягненьня Амэрыканскай мары і Божае дапамогі!

У гэтым годзе гэтая сьвята выпадае на 27 лістапада, чацьвер. Дзень Удзячнасьці – гэта адна з самых крытычных частак Амэрыканскай міталёгіі і культуры. У Амэрыканскіх школах дзяцей навучаюць, што Дзень Падзякі пачаўся пасьля таго, як каланісты з Вялікай Брытаніі, якія шукалі ў Амэрыцы рэлігійнай свабоды, прыбылі ў Плімус – горад, які зараз частка штату Масачусетс. Гэтыя каляністы вядомыя, як пілігрымы, прыплылі ў Амэрыку на караблі, які называўся “Травеньская кветка, або Мэйфлаўэр”, у канцы восені 1620 года.

Адпаведна гісторыі, першая зіма каляністаў была вельмі суроваю: болей за палову перасяленцаў памерла. Увесну, мясцовыя індэйцы Ўампаноа прыйшлі каляністам на дапамогу. Адзін з індэйцаў, якога звалі Скванта, нават размаўляў па-ангельску. Скванта вывучыў мову праз тое, што шмат гадоў знаходзіўся ў палоне ў ангельскіх гандляроў. Ён дапамог заключыць мітную дамову паміж магутным індзейскім племенем і Пілігрымамі. Улетку Ўампаноа дапамог Амгельцам з вырошчваньнем расьлінаў і навучыў іх вырошчваць кукурузу. Увосень 1621 каляністы ўжо мелі цудоўны ўраджай.

Каб адсьвяткаваць збор ураджаю, каляністы запрасілі Ўампаноа. Разам яны сядзелі на зямлі і дзякавалі Бога за добры ўраджай. Сярод ежы былі традыцыйная для сучаснага сьвяткавання індыкі, кукуруза і журавіны.

Гэта і ёсьць Амэрыканскі міт пра Дзень Удзячнасьці!

Што ўяўляе гэтае сьвята сёння? Некаторыя сем’і пачынаюць сьвята з малітвы Дня Ўдзячнасьці, іншыя сем’і прыпамінаюць тыя рэчы, за якія яны ўдзячныя, некаторыя сем’і не маюць ніякіх рытуалаў. Большасьць Хрысьціянскіх Цэркваў маюць у гэты дзень сьвяточныя службы.

Зараз Дзень Удзячнасьці – гэта нашмат болей, чым проста вячэра за агульным сталом. Цэлы тыдзень напярэдадні адбываюцца падзеі, якія прымеркаваныя да гэтага сьвята. Дзень напярэдадні сьвята – гэта звычайна самы цяжкі дзень для падарожжаў ў ЗША. Амэрыканцы на машынах, цягніках і самалётах імкнуцца дахаты. Затрымкі на дарогах і ў аэрапортах выкліканыя гэтым. Вечар і ноч ў дзень сьвята – гэта адзін з найбольш загружаных дзён для бараў (другі пасьля Новага Году). Дзень Удзячнасьці – гэта галоўны дзень для Амэрыканскага футбола ў школах і універсітэтах. Галівудскія студыі звычана прымяркоўваюць да гэтага дня выпуск у пракат лепшых фільмаў, якія могуць змагацца за прэмію “Оскар”. Зьяўленьне Дзеда Мароза ў гэты дзень сымбалічна адкрывае сэзон сьвяточных пакупкаў. Наступны Дзень, які вядомы яе Чорная Пятніца, гэта знакамітая пакупніцкая ліхаманка працягласьцю ў цэлы дзень.

Як выглядала сьвята напачатку?

Першае сьвята адбылося ў верастні або кастрычніку, а не ў лістападзе.

Сьвята не было Днём Удзячнасьці. Пачынаючы з Сярэднявеча Дні Удзячнасьці былі нерэгулярнымі сьвятамі для сьвяткаваньня ваеннай перамогі або добры сезон. Сявята 1621 года было проста сьвяткаваньнем добрага ўраджаю.

У сьвяце прымалі ўдзел 50 каляністаў і каля 90 індзейцаў.

Сьвята цягнуляся 3 дні, а не было аднаразовай ежай за сталом.

Асноўным напоем было піва з-за адсутнасьці надзейных крыніцаў чыстай вады. Піва пілі ўсе: дзеці і дарослыя.

Для забавы каляністы арганізавалі стральбу са зброі, якую яны мелі. Індзейцы дэманстравалі майстэрства стральбы з лукаў.

У 1863 годзе Прэзідэнт Абрам Лінкальн падпісаў дэклярацыю Дня Ўдзячнасьці, зрабіўшы яго афіцыйным нацыянальным сьвятам.

Са сьвятам Вас!

Дапамагай нам Бог! Жыве Беларусь!

Мікола Цімашэнка